ڕۆژا چارشەمبی ڕێـککــەفتی (۲۰۲٥/۲/۱۹) ب ئامادەبوونا ڕێزداران (پ.هـ.د. محمد حسن خمو) هاریکارێ سەرۆکێ زانکۆیێ بۆ کاروبارێن کارگێری و دارایی و (پ.هـ.د. رمضان جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان و خانم (د. دیار احمد بلیج) ڕاگرا کۆلیژا زانست و هژمارەکا زۆر یا ڤەکۆلەران ل سەرانسەری عێراق و هەرێما کوردستانێ و ڕێکخراو و کەسان ژ سازییێن حکومی و تایبەت و مامۆستا و قوتابیێن زانکۆیێ، پازدەمین کۆنفڕانسێ زانستییێ "تەمامکرنا دناڤبەرا ماتماتیک و زانستێن دیدا؛ کلیلا پێشکەفتنا زانست و تەکنۆلۆژیایێ یە" ل کۆلیژا زانست دەستپێکر.
کۆنفڕاس ب هەماهەنگیا دناڤبەرا کۆلیژا زانست ل زانکۆیا زاخۆ و کۆمەلا ماتماتیکا عێراقی یا نیڤدەولەتی و ب هاریکاریا سەنتەرێ (الٲنوار) یێ گەشەپێدان و فێرکرنێ هاتیە بەرهەڤکرن و بۆ دەمێ دو ڕۆژان دێ یێ بەردەوام بیت و تێدا چەندین ڤەکۆلین و سمینار و وۆرکشۆپێن زانستی دەربارەیی زانستێن (ماتماتیک، فیزیک، ئامار، کومپیوتەر) ب گشتی و زانستێ ماتماتیکێ ب تایبەتی دێ هێنە پێشکێشکرن و کەڤنە بەر گەنگەشەیان.
ئارمانج ژ کۆنفڕانسی ئامادەکرنا پلاتفورمەکێ یە کۆ ڤەکۆلەر تێدا نویترین ڤەکۆلینێن خۆ نیشان بدەن و هزر ل داهێنانێن هەڤپشک بکەن و ئەوان پێزانینێن نویی یێن هەین بۆ خزمەتا زانست و جڤاکی بەڵاڤبکەن، ئەڤ چەندە ژی دی بیتە هاریکاری و پشتەڤانی بۆ پێشڤەبرنا ئەوان بیاڤێن کۆنفڕانس بخۆڤە دگریت و بەحسکرنا دوماهیک ئەوان پێشهاتێن کۆ دبیت ل پەشەڕۆژێ بهێنە ڕودان، هەروەسا بهێزکرنا پەیوەندیان دناڤبەرا ستافێ کۆلیژا زانست لگەل زانکۆیێن عێراقێ.